DAY46。第1輯相 (初生照)

(續上篇)

生左棉花糖,,好多諗法都會改變
初生相又係改變諗法...HAHA
陀B時抗拒影初生相,,覺得BB初生都唔靚
同埋咁細個就要佢影相好辛苦
坐月期間我的確好少同佢影相
佢成日都訓..我又個樣好殘都唔願影
後尾見到朋友影左輯好可愛,即刻拎資料BK黎影
攝影師話愈細影愈好,,booking又好full
攝到晚上影就照book,影完有d後悔
咁夜先影,,又帶BB搭長途車,,佢應該好唔舒服

DAY46。呢日好忙晏畫整完手腳模
晚上7點去觀塘影相
棉花糖仲細..驚佢暈車浪,來回都係搭的士
個時自己貪心覺得D佈景好靚
所以遠少少照出,,但對BB黎講應該好辛苦
應該未滿月,BK係屋企影就最好

成程的士都訓著
諗住去到應該會好開心笑
棉花糖訓醒心情好好架 笑得好開心
可能環境陌生 又暈車浪掛
影左3個鐘都係喊。扭。食奶。痾poopoo。喊

有d要屈住手手腳腳影
包住哂墊左野唔危險,但則邊睇就好肉痛...
糖爸係咁話"哎o也...下次唔好再影,喊就衝去抱..."
佢內心可能鬧緊我..攪到佢個情人咁慘 haha
其實我都好肉痛架
有d之前想影既佈景,因為佢喊到好慘
我都唔記得拎出黎...

影出黎一般般啦..唔關攝影師事 係棉花糖唔多合作
佢太攰啦...晏畫又無點比佢訓..攪到咁忟憎
$1,500 比番哂所有相
(當日影左大約60張,精執15張,攝影師揀)







題外話:攝影師+助手 仲後生過我
做到一份鐘意既工作,又可以賺錢係好幸福既事
唔知我會唔會有機會呢?