DAY46。手腳模

陀B時聽過初生BB整手腳模,個時覺得麻麻地
整左又多舊野,又要千幾蚊好哂錢,無諗過整
到生左棉花糖,,好多諗法都會改變
手腳模都係其一...HAHA

DAY17 糖爸朋友送左1盒手腳模比棉花糖
諗住滿月當日整有意思d,但d手仔腳仔都係細細隻可愛d
趁糖爸放假,所以開黎整
糖爸專心睇完簡介話應該唔難整
一盒只可以整1對手或1對腳..之後要再買粉
第1隻失敗左,棉花糖係咁郁..
第2隻等左1日先見成果...成功左都ok
糖爸話訂d粉再整...d粉都唔平 洶寶我又唔放心
我係想整一對手一對腳..計過..都係比錢人整 哈哈
想BK滿月整,但full booking..竟然...最快要day46先有時間

DAY46 專業人仕係唔同d
好快手,同埋可以即刻睇成果
100%會成功,唔得即場再整
$1188+$60(運費)

Day155...收到46日大既手腳模

【成長】0-1m + 坐月

0-1mths

食 。埋身餵全人奶,0-2星期左右 每隔2個鐘就要食一次,每次食10-15mins
3星期左右就食疏d..3個鐘左右…
夜奶就食左3星期左右就戒左,臨訓12點一餐,到早上5點左右先再食
便便,每餐後都會有,成日會爆到件衫..好希
到3星期左右就每日3-4次左右 用nb片

訓。基本上全日係訓,好攰咁..醒既時間就係食奶

活動。訓為主,間唔中有發up古古既音
有1樣幾特別,佢每次打完乞痴會”嗯..阿”
發出d攪笑聲,想錄都錄唔到,太快

因為收水,磅數唔達標準 要番健康覆查
每次健康院檢查就無左1個上晏
去到..等磅重 度黃旦..但都要2個幾3個鐘…
day5‧3.18kg
day9‧3.29kg
day13‧3.508kg
去左3次追番d磅唔洗再去,放心哂
過左12朝招呼朋友上黎探下bb and 我(屋企係電磁爐,媽咪話煲豬腳薑無咁好味,
最後用gas爐明火..辛苦媽咪每日坐係地下去整,,
每日媽咪都叫食d黎補下)



坐月
原來唔會點休息,好忙...每日重覆又重覆工作..但忙得好開心
(未生前,我仲話我乜都唔理,要充足休息架,但生左唔會捨得唔理)

我係唔聽話既坐月媽媽
day3開始沖涼(頭一星期用薑水,唔想太辛苦婆婆,之後用番水)
day13開始洗頭 (勁痕,狂R,臨生剪短頭髮..洗完即刻吹番乾,應該會好D)


短衫短褲,開冷氣(8月好熱好熱)
無乜點訓鐘意做咩就做咩 但心境就好開心
唯一一樣聽話就係唔出街一個月(除左健康院)
真係唔好架,慢慢係覺得身體比未生前差

心情係頭幾日,因為屋企嬲 失控咁狂爆..爆完無事,成個坐月過程都好開心
家人/朋友,有同老公講,睇住個老婆...生完好易有抑鬱
老公話完全唔覺得佢抑鬱,不知幾開心...係架,,好開心 haha
修身我無理咁多,,每餐都食2-3碗飯,無送就咁都食1碗,勁肚餓
媽咪都話我食咁多,好犀利 後尾先知原來食飯有助多奶...唔怪得 haha
可能因為埋身餵關係,,2星期已經回復左未生前既磅數 滿月後仲輕左5磅
不過肚紋仍舊係度 肚腩就鬆弛哂…唔知有冇得解決呢?
day16‧中秋節快樂

以下係d立雜相 唔記得day幾影啦...

掃完風,想訓想訓個樣 好可愛

健康院檢查+打針

27-Sep-2014 (sat)

DAY35‧滿月針
出世時已經打過針,但個時仲係蕃薯BB 唔識喊
手臀種豆都係無喊
早上,食左早餐去健康院
唔食唔得,例牌逗留起碼幾個鐘
4.915KG 屬中碼偏大BB
見醫生,,又係佢..好惡既女醫生
個時我產檢見到佢都驚,好惡無表情又無尾音
陀B時,睇左佢2次,因為特別原因轉介左醫院檢查直至生
(遲d有時間補打埋先)

聽覺,視覺,模肚...等檢查
再問bb日常習慣,全母乳,又戒左夜奶
醫生話都係正正常常,無乜可以減既地方
咁由佢..不過下次黎一定係超磅bb 到時再睇下點減
你地可以走,打完針記住約時間
行到出門口,醫生無啦啦話黎開check埋黃,過埋探下
通常ok架啦,你個bb都唔黃
醫生係大大力禁住棉花糖個頭
棉花糖喊...check過左少少
再check 又禁住,喊得仲大聲
醫生話寫紙去醫院檢查下,檢查左安心d

打針,姑娘快狠準..
抱住棉花糖好o爹喊左幾句,揹住搖幾搖訓左



29-Sep-2015 (mon)

題外話-生bb住左4日3夜 $350..政府係慢d,員工惡d,但真係平好多

DAY37‧醫院檢查
去左兒童個邊,個度話要交左錢先可以做檢查
比錢又要排$300..之後要補交出世紙..再上去等..
見完醫生等抽血..醫生話個樣唔over黃,用機都係少少責界
當然問,唔抽血得唔得,醫生話黎開又比左錢
抽埋會安心d,好啦...又等... ...係醫院逗留左5個鐘=.="
抽血,,走廊都聽到棉花糖喊
真肉痛...揹佢搖幾搖訓番

棉花糖。滿月快快樂樂

滿月快樂

我地會攪百日宴,所以滿月就唔食飯慶祝
只係買個cake一家三口食
婆婆晏畫上黎同棉花糖沖涼+剪左dd頭髮‧寓言快高長大

滿月點都要出下街,大個女ma,
第1次揹住出街好興奮,我地接爸爸收工
爸爸見到棉花糖,開心過見到個老婆
生囡係爸爸上世情人係岩架 HAHA



一齊去買個cake番屋企食
棉花糖開頭仲眼仔碌碌周圍望
見到爸爸笑左幾下,之後keep住訓番到屋企放低都繼續訓
我地食飽飯都zzz..唯有訓住都照影啦

棉花糖心諗"無我份食既..訓下仲好" haha

BB名字

BB名字好重要
知道bb性別開始我地有認真諗過個名
我鐘意個音: 心。樂。兒
佢鐘意個音: 月。雪。晴
傾名通常係臨訓前摸下bb,諗諗下大家就訓左
拚黎拚去都揀唔到個鐘意名,有時又無啦啦加左d字

好快BB出世^^ 但仲未決定叫咩名...
反而乳名係day3 出院當晚我地就諗好
陀b某晚閒聊同老公講不如同BB改個乳名,我見人地d乳名好得意
老公話乳名通常係見到BB之後覺得似咩就改咩
當時老公係打緊機,我話打機唔諗就唔諗啦...扮哂有道理咁 HAHA
後尾要認真諗好個真名...乳名呢part無再諗

day3 我地抱住個囡時,大家都覺得佢好軟棉棉,又係女仔叫棉花糖都幾好聽
所以就幫佢改乳名棉花糖,我地好鐘意呢個乳名
名字,我地有拎出黎傾..但都無共識
到滿月前2晚要快d決定,遲左拎出世紙要補錢架
同埋無理由滿月都比唔到個名棉花糖
當晚棉花糖訓左,我地訓係度,上網搵到個同音字網頁
綝玥讀音心月‧字型好靚 & 音‧又係我地每人鐘意既一個音
大家都叮一聲咁 好鐘意呢個名
滿月前一日 老公特登請半日假,一齊去拎出世紙
點知... ...原來E家要電話book位拎出世紙
老公問過我洗唔洗book位,半年前明明唔洗架..
唔知改左制度..白行一趟
當我地拍下拖啦 haha  行左個零鐘趕番家餵奶
滿月一早我就自己去拎出世紙
拎左兩張 $140x2 = $280

【出院啦】‧DAY3

26-AUG-2014 (TUE)

DAY3 訓下醒下又到早上望住個囡訓覺個樣好冧
醫生巡房,順產要bb出世後48小時先可以出院
我要晚上先夠鐘,但晚上醫生唔再巡房,一般都要住多晚
但我勁想番屋企,醫生檢查完未講野
我已經問 e家可以出院嗎? 醫生笑笑問 你好急住走?
係呀 好想番屋企
睇完一輪佢話 "晚上先夠鐘…不過情況都OK,下晏可以比我走
但bb就磅數”責”界,有d黃要留院睇多晚
你想走先 or 陪bb多晚? 如果bb唔走得,我都留多晚

正當失望之際有另1個女醫生入黎望1望
話你係母乳..如果你想bb今日同你1齊走,咁你e家比心機餵密d
bb訓都照餵,唔洗睇時間餵比,佢食多d 食飽再磅,唔”責”界就比你走
所以我就密密餵,仲叫定婆婆唔洗煮晏畫飯比我食 我食醫院個D叫婆婆帶件衫比bb 分分鐘意探病時間可以一齊走 (我自己諗)哈哈探病完姑娘都唔入黎搵我再磅bb
唯有主動出擊啦… 再磅話爭少少.. 再問下醫生
後尾有個姑娘入黎問真係好想出院? 係呀係呀超想
坐係度比哂d info我話出院注意d咩?做d咩? 之後叫我通知屋企人就可以走

即刻打比老公and媽咪..媽咪叫等佢上黎先執野
我唔等啦..勁快手執好野+換好衫,再打比老公and媽咪問係邊係邊?
老公黎到接我地出院要交醫院費+拎藥,,但我太心急想回家
2邊都要排隊,反正可以後補..我話遲d先再交番$$
(但當時我唔記得要拎止痛藥,好彩出院後都無咩事)
又因為急住走..唔記得媽咪話過黎接我 哈哈

老豆渣車過黎接我地番屋企,車上面仲有小慧,nadia…
番到屋企要煲水比bb沖涼,因為清唔哂d胎毒 (可能陀佢太濕毒)
出哂一達達紅點..成身都係..初初睇好擔心
即刻問公公婆婆點算,,佢地話沖番D唔知咩涼就可以退
 辛苦公公山上搵d草藥,辛苦爸爸煲水,辛苦婆婆幫佢沖

番到黎bb有人輪住抱,我就可以安心慢慢沖個涼,再訓係張床玩電話休息
回家第1晚婆婆留係度訓幫手湊bb 食奶+換片都係每2個鐘一次
準過鬧鐘..訓下醒下又一晚,但屋企訓係舒服好多好多

【生左啦】‧DAY2

感覺好奇妙 生完訓係張床係度諗
早幾個鐘仲係個肚入面 e家實實在在可以攬住
生左鬆口氣,諗住可以休息下
原來唔係架 哈哈

晚上8點半左右 探病時間過左 屋企人回家
我拎電話覆下朋友whatsapp 覆覆下都訓左
隔一陣,姑娘就推bb入黎要餵奶 餵完就推出去
每隔2小時就推入黎 基本上都無點休息 想zzz時 隔離床bb就喊
跟住有d媽媽又叫痛 到半夜我都頂唔順
餵餵下zzz著…姑娘入黎接bb話咁樣好危險 點點點…
好眼訓無聽佢講d咩…又問餵左幾耐? bb食成點?

第2朝 生完12小時要落床…
我好心急落左床 行去toilet途中
有個阿嬸話" 6號床位媽媽你唔可以咁…"
唔可以咁?可以點? 哈哈 原來生完落床要有人陪架 驚暈
我唔知麻 尋晚姑娘又唔講清楚 佢地咁惡 我又費時禁鐘
佢扶住我行 行得好慢..我好急 阿嬸話行咁快爆線點算..
咁講 我即刻慢慢行 好驚

落得床後 bb就會擺係你則邊 除左沖涼 姑娘係唔會推走架



即係話之後所有bb 餵奶 掃風 換片都係自己黎
自己黎我都ok 係最唔ok 姑娘會行入黎問
幾點食奶?食到幾點?食左幾耐?有冇便便?尿尿?幾多?
呢d問題初初好認真諗完先答 後尾我求其答

12:30-13:30>第1轉探病時間 媽咪細妹黎左 可以有餐安樂茶飯
一個鐘好快..佢地又夠鐘走啦
17:30-20:30> 第2轉探病時間有好多人黎探……………..BB

見到你地黎探我地 好窩心



晚上又係無得訓…已經連續5晚好想出院番屋企沖涼+zzz
我個囡算幾乖 對我好好無乜點喊 keep住係食+訓

【生左啦】‧DAY1

(內容有提及生產過程)

【續上一篇‧生左啦】

等到11點半先有人黎推我入房
心情有d緊張+期待...當時無痛既感覺
推入去時經過有d媽媽生緊,阿姐姐叫我唔好望唔好聽話會嚇親
咁恐怖..聽佢講合埋眼啦…

過左床..幾個姑娘又幫我探熱,又吊d唔知咩又唔知插d咩攪黎攪去…
跟住又話要抽血 (到呢個時候抽血黎做乜呢?無解釋架,我都唔追問)  
等左陣有個男醫生入黎話人手穿水,穿左feel到熱辣辣既水流出
過左半個鐘左右開始feel到痛,呢d痛比前幾日更劇烈...我仲忍到

但有時都會捉住2邊床既鐵大力一握感覺上會好d
1點左右姑娘check話已經開左4-5度比想像中快,問我o唔ok?
洗唔洗聞氣? or 打止痛針?
之前諗住唔用止痛方法,好多人話無乜用...
聞氣>>會wingwing地,無乜用...又要自己拎住支氣
止痛針>>姑娘話e家唔打又話之後打無效
咁我驚臨生會超痛忍唔到,所以都係打,打完又真係無咁痛..
但我覺得都係wingwing地,令人想zzz
訓下醒下.. ...我係feel到愈黎愈痛
3點姑娘再check話7-8度可以叫老公入黎陪產
(入黎時,,再3同姑娘講要陪產,驚一陣迷迷糊糊唔記得講)

當時係好痛,但姑娘話要我自己打電話,個時禁個制都無力,睇野又模模地
打左比老公,姑娘係隔離話叫老公去定廁所,入左黎唔好又出又入
老公入到黎傾左2句 我問幾點到
佢11點半就到左,姑娘話推左我入產房,跟住佢唔敢行開,係門口坐左幾個鐘

之後開始好痛好痛..好想去大大..姑娘話度數唔夠唔好痾要忍
每一下陣痛,又要我忍仲叫我放鬆d 如果唔係又話會爆
老公捉住我隻手我鬆開,我捉住2條鐵好d…個d無情力我驚捉到佢隻手瘀
姑娘check左幾次都話開唔到...但我堅痛
姑娘又比d按摩油老公幫我搽..搽乜都無用一樣咁痛
迷迷糊糊又訓下醒下 有輕微燒...
5點左右,我同姑娘講頂唔順好辛苦
比我試下,試左1次唔得佢話留d力試第2次
隔一陣我見有幾個姑娘入左黎,跟開我個個就執好哂d工具
佢地行埋黎問係唔係試多次?要1氣呵成架
再試左3下生左啦...個下係舒服哂  
生既時候d姑娘企哂後面會幫我打氣..加油加油爭d爭d

生完佢地都好忙,但好快手每做一樣野都會講,但我聽唔太清楚
淨係聽到打收子宮針,聯線打,麻醉針等…bb又唔知打咩針..
生既過程我有輕微發燒 好彩好彩bb冇事
包好bb抱過黎 終於見到你啦 our baby 重3.31KG
老公抱住個囡話"辛苦你 我愛你" haha 我都好愛你地

遇到好姑娘幫我地影左張全家福
生完bb個樣好瘋癲..不過值得留念,難得有人肯我地影當然影



老公抱左1陣就要出去

姑娘問我食唔食d野我話有就最好,我勁肚餓早上食左個包到e家
拿拿林食左碗飯,姑娘問會唔會餵母乳? 陀b到生前,我都話唔會餵母乳
但當見到bb時,加上姑娘係隔離講母乳點好點好

餵就餵啦,事前完全無聽咩講座無去學點餵
仲有以前唔會抱初生b唔識抱驚整到佢

 但到自己個囡時抱埋黎突然變得好純熟,餵母乳又係擺埋去

bb就自己啜感覺好好,我地第1次咁近距離接觸 so sweet

抖多陣無乜事姑娘就推我番病房

推出去時 有老公,媽咪,阿妹,老爺,奶奶
大家都好開心^^

入左產後病房 大家輪住入黎探我就要走
隔左幾個鐘,bb就推去床邊

bb第1張相